(Being independent)
BUNGISNGIS ang sumalubong kay Myron nang tingnan niya ang mag-ina sa silid ng mga ito. Gising na si baby Hope at diretsong nakatitig sa kanya samantalang tulog na tulog si Liberty sa tabi nito. Madalas kasing puyat ito dahil nagigising ng alanganing oras si baby Hope.
Hindi rin hinahayaan ni Liberty na may ibang magbantay sa kalagitnaan ng gabi na labis niyang hinangaan sa kaibigan. Natitiyak niyang magiging isang mabuting ina it okay baby Hope.
Muling bumungisngis ang munting anghel kasunod ng paglilikot nito na tila nais magpakuha sa kanya mula sa higaan. At dahil hindi niya matiis ito, umikot siya sa kabilang bahagi ng kama saka ito kinuha. Ganoon na lang ang tuwa nito nang tuluyan na niyang kargahin ang bata.
Dinala niya ito sa sala dahil baka magising pa si
