NANONOOD si Beverly ng TV nang marinig niya ang tinig ni Shaira buhat sa labas.
“Tita Beverly!”
Napatingin siya sa oras. Wala pang alas-sais ng hapon. Hinawi lang niya ang buhok at tinungo ang pintuan. “Akala ko, kasama ka ng tito mo sa office?”
“Oo nga. Kauuwi lang namin. May pasalubong ako sa iyo,” nakangiting sabi nito at iniabot sa kanya ang isang plastic bag.
Napatawa siya nang marahan nang makita ang laman niyon. Dog collars.
“Niyaya ko si Tito Mitch na pumunta sa pet shop. Sabi ko, bilhan niya ako ng accessories para kay Spot. Pinabili ko na rin siya ng para sa mga alaga mo. Ilang days na lang bago mo ibigay sa akin si Spot, Tita?”
“Thank you,” wika niya rito. “Kaya lang baka magselos si Shimmie.”
Natutop nito ang bibig. “Next time na
