ISANG kaduda-dudang pangyayari ang bumungad sa kanila kinabukasan. Dahil nang sumama sina Daizy at Devee sa bahay nila Fudge para sa final editing ng kanilang documentary project ay kapansin-pansin na kakaiba na ang kinikilos ng dalawa. Lingid 'yon sa kaalaman nina Fudge at Siobe dahil hindi naman sila gaanong mapagmatyag sa nangyayari, maliban kay Kitch. Pero dahil napansin kaagad iyon ni Kitch na walang suot na bracelet sa paa ang dalawa ay gumawa siya ng plano.
Mula sa loob ay hinila ni Kitch si Fudge para kausapin sa labas. "Ano ba 'yon, Kitch? Halatang iritable ka," pagpuna nito sa mahigpit niyang pagkakakapit sa wrist nito.
"Paano naman ako hindi magiging iritable, e, may nakapasok na dalawang Obalagi sa bahay mo." Namilog ang mata ni Fudge sa sinabi niya. Parang sinasabi ng mga ti
