WALANG PINAGKAIBA sa dati ang awra ng kaharian na iyon sa bayan ng Mumayta. At para kina Lauro at Wakan ay mas mahirap lang ngayong lusubin ang loob niyon. Sadyang hindi kapani-paniwala kung paano napasunod ng pinuno ang mga bagong alagad nito na sumapi sa kanilang grupo.
Samantala'y labis ang paghihinagpis na nararanasan nina Devee at Daizy habang nasa loob ng silid na pinaliligiran ng mga maliliit na bumbilya. Nakatali ang kanilang mga kamay at paa habang sila'y magkatalikod ng puwesto. Batid nilang naroon sila sa kaharian ng mga Obalagi at walang ibang nasa isip nila kundi ang dalang kapahamakan. Nalalabi na lang ang oras para maranasan nila ang hagupit ng kapangyarihan ng pinuno at kung paano nito isasagawa ang nakasanayang tradisyon.
Mula sa silid na iyon ay amoy na amoy nila ang um
