Habang sakay ng jeep na patungong University ay hindi niya maiwasang mag-isip. Mukhang tama nga si Aling Tina, gusto niyang magkalinawan silang dalawa ni Tuper dahil ayaw niya itong masaktan.
Natapos ang buong maghapon niya na maraming iniisip. Nasa may gate na siya palabas ng University nang mapansin niya ang oner ni Tuper. Mabilis naman itong bumusina nang makita siya. Lumapit naman siya rito at mabilis na sumakay. Kitang-kita niya ang pamamaga ng mukha nito.
"Tuper, dapat ay hindi mo na ako sinundo at nagpahinga ka na lang sa--"
"Kaya ko at nasanay na akong hinahatid at sinusundo ka." Pilit na ngiti nito sa kan'ya dahil namamaga pa rin ang mga labi nito.
"Pasensiya ka na, napasama ka pa tuloy at nadamay sa problema namin ni Travis. Ang totoo niyan ay nahihiya na nga ako sa iyo. Tula
