Mabilis niya rin itong niyakap at hinalikan sa may kabilang pisngi.
"Let's eat, hinanda ko lahat ng paborito mo." Sabay lingon sa kanilang lahat. "Kumain na tayong lahat, espesyal ang niluto ko para sa inyo ni Nicole." At masaya na itong nagpatiuna sa may loob ng bahay.
Mabilis naman silang sumunod dito kasama ng mga anak niya at ng kapatid ng may ngiti sa mga labi. Kompleto na sana sila kung nandito lang si Luisa.
Halos hindi na matapos-tapos ang kwentuhan nila kung hindi lang kailangan umuwi ng mga anak niya. Nag boluntaryo na kasi siyang ihatid ang mga ito para magkaroon siya ng rason para makita si Luisa.
Halos alas-sais na ng gabi nang ganap na makarating sa bahay ng mga ito. Masayang-masaya siya na natupad na ni Luisa ang mga pangarap nito, malaking bahay, magandang pamumuhay, ed
