"Anak, mag-iingat ka dun ha.." parang hindi na nasasanay 'tong si Mama. Ilang taon na akong naninirahan sa Metro Manila at taun-taon naman kung umuwi ako dito at hindi lang yun isang beses kung hindi sa tuwing magkakaroon ng pagkakataon ay umuuwi ako dito sa Bolinao..pero sa bawat tapos ng bakasyon ko ay umiiyak si mama sa tuwing oras na para lumuwas ako pabalik sa Manila.
"Si Mama naman parang bago ng bago.." sabat ni Andy ngunit agad ding napaaray dahil kinurot ni Mama sa tagiliran.
"Siyempre unica hija ko itong ate mo" depensa ni Mama na hindi pa rin mapigilan ang pagpatak ng luha at panay ang yakap sa akin.
"Ano ka ba naman Sedes,uuwi lang yan sa Maynila ay hindi naman mag-aasawa.." biro ni Papa ngunit tumingin ng makahulugang sulyap kay Jake. Tila may sariling pag-uusap ang mga mat
