"Pwede bang alisin mo na yang kunot ng noo mo?" Nasa biyahe na kami papunta sa St. James Church pero hanggang ngayon ay hindi pa din mawala ang inis ko sa kanya. Kanina pa niya ako sinusubukang aluin pero sadyang nagmamatigas ako. Binalingan ko lang siya ng walang ganang tingin at muling ibinalik ang mga mata sa daan.
"Iparada mo na lang dun sa gilid" tinuro ko ang isang bahagi sa gilid ng simbahan kung saan maaaring pumarada ang mga sasakyan. Lunes ngayon kaya hindi masyadong maraming tao sa simbahan. Agad naman niya iyong sinunod. Nanatili lang akong tahimik. Bumaba siya sa kotse at tangka ko na sanang buksan ang pinto upang makababa na din ako pero nakalock iyon. Nakita ko siyang paikot na papunta sa side ko at saka ako pinagbuksan ng pinto. Siya ang nagtanggal ng seatbelt ko at pilit
