Halos buong durasyon ng biyahe namin pauwi sa amin ay si Jake at Andy lamang ang nag-uusap. Masaya silang nagkukwentuhan habang ako ay nanatiling tahimik at nakikinig lamang sa mga pinag-uusapan nila dahil wala naman akong gaanong alam sa outdoor sports at lalo namang wala akong hilig sa mga mobile games. Bagaman ang atensyon ay nahahati sa aking kapatid at sa daan habang nagmamaneho, napapansin ko pa din ang panaka nakang pagsulyap niya sa akin at pagkatapos ay ngingiti. Simula kasi kanina habang nanunuod kami ng sunset ay hindi na ako nakatingin ng diretso sa kanya. Parang laging nagtatatambol ang puso ko sa tuwing magtatama ang aming paningin.
Nang makarating kami sa bahay ay sinalubong na kami ni Papa kasama ang Ninong Jerry ko at nagkakasiyahan sa ilalim ng puno ng mangga sa bakuran
