"AWW!
Daing ni Victoria nang aksidente niyang mahiwa ang daliri ng kutsilyo habang naghihiwa siya ng sangkap na lulutuin niya ngayong dinner. Kinagat niya ang ibabang labi habang nakatitig siya sa daliri niyang dumudugo.
Ramdam niya ang hapdi sa kanyang daliri pero mas ramdam niya ang sakit sa puso niya sa mga nalaman kanina. At mas lalo niyang naramdaman ang sakit sa kanyang puso ng maalala na naman niya ang nangyari kanina sa opisina ni Francis na kung saan ay may bumisita na isang magandang babae dito.
At sa pagyakap ng babae, sa paghalik nito kay Francis ay may ideya na siya agad kung sino ang babaeng iyon. Mukhang girlfriend iyon ni Francis.
Noong nakipag-relasyon siya noon dito noong panahong wala itong naalala ay isa sa mga agam-agam niya kung bakit pinipigilan niya ang sari
