TAPOS na ang kasal nina Camilla at Ford. Pero napagpasyahan ng pamilya De Asis na magpalipas muna sila do'n ng isang gabi bago sila ulit lumuwas ng Manila.
Ang bagong kasal naman ay umalis na para sa honeymoon ng mga ito. Pupunta ang mga ito sa ibang bansa, regalo yata iyon ni Sir Franco at Tita Dana sa bagong kasal.
Mayamaya ay nakarinig si Victoria ng mahinang katok na nanggaling sa kwarto na inuukupa niya sa hotel.
Humakbang naman siya palapit sa pinto para pagbuksan kung sino ang kumakatok. At nakita niyang si Danielle iyon.
"Victoria," banggit nito sa pangalan niya.
"Bakit?" tanong niya ng magtama ang mga mata nilang dalawa.
"Nag-text na sina Denisse, nasa baba na daw sila. Baba na tayo para sabay-sabay na tayong mag-dinner," wika nito sa kanya.
"Okay," sagot naman ni Vi
