" Ano ang nangyayari kay Samuel, Nana Manda? " nag-aalala kong tanong kay Nana Manda nang madala namin si Samuel dito sa bahay.
Napayuko si Nana Manda dahil sa tanong ko. Lumungkot ang kanyang mga mata na lalong kinabahala ko.
" Bakit bigla na lang sumakit ang ulo ni Samuel? Ano po ang meron? " hindi ko maiwasan ang mapatanong ulit.
" Sabihin po ninyo sa akin, Nana Manda. May sakit po ba si Samuel? "
Napabuntong hininga si Nana Manda dahil sa mga tanong ko sa kanya.
Itinaas niya ang kanyang ulo at tumingin sa akin. Ngumiti siya sa akin na pinagtaka ko.
" Magiging maayos din si Samuel, Jemuel, " sagot niya sa akin na kinasingkit ng aking mga mata.
" Magiging maayos? Sa nakita ko, Nana Manda, sa sibrang sakit ng ulo niya kanina ay para bang mamamatay na siya tapos sasabihin niy
