Umuwi kami sa Palanca kinaumagahan. Hindi na nagtanong pa si Tatay o nagpumilit na magpahatid kami. Nakatulog ako sa balikat ni Jamin sa buong byahe. Ganoon rin siya. Nag-iinit pa ang mga pisngi ko kapag nararamdaman ko ang paglalaro niya sa mga daliri ko.
Nagmulat ako ng mata ng nasa boundary na kami ng isang bayan na katabi na ng Palanca. Tumigil iyong bus sa terminal. Hinawakan ni Jamin ang palad ko at inalalayan ako hanggang sa makababa kami. Pilit kong minulat ang mata kong antok na antok pa dahil hindi ako nakatulog ng maayos kagabi.
"Sorry. Mamaya ka na lang matulog kapag nakauwi ka na sa mansyon." aniya.
Tumango na lamang ako at hindi na umimik dahil inaantok pa rin ako.
Dinala niya ang mga gamit namin sa isang tricycle. Nasa loob na ako at tinulungan s
