"Sige na, sumama ka na. Don't worry walang bubugbog sayo dun." Seryosong sabi ko pero agad din namang tumawa.
Kanina ko pa kasi pinipilit si Adam na sumama sa resort namin bukas ng gabi. Birthday kasi ni Tito Glenn at wedding anniversary nila ng kanyang asawa na si Tito Markus. Si Tito Glenn ay nakababatang kapatid ni Daddy at si Tito Markus naman ay pinsang buo ni Tito Yvo.
"Hindi ako nababagay sa mga ganyang party, Luke. Tsaka panigurado akong nandoon lahat ng mga kamag-anak mo. Hindi nga ako mabubugbog pero di naman ako makakauwi ng buhay." Angil niya. Mas lalo akong napatawa.
"Ang oa ha. Hoy, 'di mamatay tao ang pamilya ko. I assure you na mababait sila. Sige na, sumama ka na. Kasama naman natin sina Dwayne, Danica at Taylor e."
"Ayaw ko nga e. Huwag makulit, Luke. 'Di mo rin nama
