Pagkakita pa lang sa akin ni Dwayne ay agad niya akong inusisa tungkol sa dinner date kuno namin ni Kuya Dante. Sunod-sunod ang naging tanong niya. Kung inamin ba daw nito na may gusto ito sa akin. Kagabi pa niya gustong malaman ang tungkol dito. Dahil sa pagod at tamad akong makipag-usap sa tawag, nagsabi akong ikukuwento ko na lang kinabukasan. At ito ngayon ang bruha. Siguradong hindi ako nito tatantanan.
"So ano na? Magsalita ka na. You're killing me in anticipation!"
"Paano ako makakapagkwento kung sunod-sunod ang tanong mo? Pagsalitain mo kaya ako, kaloka 'to!" Hinaing ko.
"Sorry naman. Ikaw kasi e, kung nagkwento ka na lang kagabi edi natapos na agad ito. Alam mo naman eksayted ako tungkol sa lablayp mo. Ito ang unang beses na pag-uusapan natin 'yon after all these years. Sawang-
