“Good job on dating a slut.”
Nanatiling nakadikit ang mga mata ko sa mga katagang iyon kahit na kanina pa kami nakababa ng sasakyan. Napaalis na rin ang mga reporter na nagkukumpulan sa harapan ng Baltazar’s Finest kanina kaya’t payapa nang nakakagalaw ang lahat upang maglinis.
Everything was a big mess. Bukod sa basag-basag na mga salamin, puno rin ng bandalismo ang paligid ng restaurant. Nagkalat din ang bakas ng mga binatong itlog sa counter. Maging ang kusina ay tila pilit na pinasok at pinagsisira ang mga kagamitan.
Napukaw lamang ang atensyon ko nang buhusan ni Nathan ng tubig ang pader na tinititigan ko. Luminga ako sa kanya at pilit na ngumiti. Ibinaba niya ang timba sa isang tabi bago lumakad sa aking tabi sabay hagit ng aking kamay.
“Ayos ka lang ba?” Mahinanong tanong niy
