"Kakain na tayo kaya itigil niyo na muna 'yang ginagawa niyo," pukaw ni Nicholai sa mga kaibigan nito na seryosong naglalaro ng chess. Kung sino raw kasi ang matalo ay siyang maghuhugas ng pagkakainan nila ngayong gabi. "Bubuhusan ko kayo ng tubig diyan kapag hindi pa kayo tumayo!"
"'Wag ka ngang magulo riyan, Samaniego!" inis na sabi ni Genesis ng hindi nililingon si Nicholai.
"Last game na 'to kaya seryoso kami, Dude! Sandaling-sandali na lang 'to!" tugon naman ni Kazimir.
"Ako na lang ang maghuhugas ng mga plato mamaya," presinta niya dahil mukhang magtatagal pa ang dalawa sa ginagawa nito. "Hayaan mo na lang muna ang mga kaibigan mo."
Isa pa, halata naman na hindi sanay ang mga ito sa gawaing bahay kaya kaysa maubos ang mga gamit ni Nicholai ay aakuin na lang niya ang gawain na ini
