"Dude, sa tingin mo ba galit sa akin si Clarisse?" tanong niya kay Francis habang nakasakay siya sa sasakyan nito para isugod siya sa hospital dahil nadaplisan siya ng bala kanina habang nakikipagpalitan siya ng putok sa mga kalaban nila. "Akala ko kasi mamamatay na ako kaya nagtapat na ako, eh. At dahil ayaw niyang iwan ako roon ay ginawa ko na lang na biro ang pagtatapat ko para magalit siya at iwanan ako roon."
"'Yon pa talaga ang inuuna mo kaysa diyan sa kalagayan mo?" si Kazimir ang sumagot habang si Genesis ay prenteng nakasandal sa passenger seat na tila walang pakialam. "Mamaya mo na isipin kung galit siya sa iyo o hindi. Iyang sarili mo muna ang unahin mo."
Mabuti pa itong si Kazimir may malasakit sa kaniya kahit papaano samantalang itong dalawa parang wala lang.
"Bakit ka ba k
