Artistahin : FINAL CUT

Chapter 20: Nuclear Bombshells

Kararating ni Arlene sa condo unit ni Cristine, sinalubong siya agad ni Jelly sabay hinihila papunta sa kusina. “Uy sino siya? Maganda siya ah” sabi ni Arlene. “Shhh dito dali dali” sabi ng bading. Pagdating sa kusina nilapag ni Arlene yung meryenda sabay tinitigan yung magandang babae na kasama ni Cristine sa salas.

“Maganda siya, kaninong talent siya?” bulong ni Arlene. “Hindi siya talent, yan yung super friend ni Enan. Yan si Jessica” sagot ni Jelly. “Oh no, yan si Jessica? Yung pinag iinitan niya ng ulo?” bulong ni Arlene.

“Oo yan yun pero friends na daw sila. Hindi ako naniniwala, kaya nga ako nagbabantay baka biglang sunggapin ni Cristine at bugaan ng apoy e” sabi ni Jelly kaya nagtakip ng bibig si Arlene at nagpigil ng tawa. “E kung may something si Jessica at Enan e di kailangan bantayan mo din siya. Alam naman niya siguro history ni Enan at Cristine”

“Malay mo baka dragon din yan” sabi ni Arlene. “Yun na nga kinakatukan ko e kaya kita tinawagan” sabi ni Jelly. “Bruha ka kaya pala nagpapakuha ka ng body bag. Pero mukhang okay naman silang dalawa” sabi ni Arlene.

Sa may salas busy si Cristine pinagmamasdan ang mga litrato sa tablet. “Lahat ng photos namin nung bata kami iniscan ko siya actually. Nandyan na lahat” sabi ni Jessica. Nagsimangot si Cristine habang pinagmamasdan yung batang Enan. “Kaya naman pala ganon siya up to now” sabi niya.

“I know pero ang laki naman ng pinagbago niya. Diba? I mean look at Andoy before. Parang bansot, mas matangkad ako tapos ang itim itim niya” sabi ni Jessica. Niyuko ni Cristine ulo niya sabay naluha kaya nung inakbayan siya ni Jessica biglang kinuha ni Jelly yung kutsilyo.

“Bruha itabi mo nga, ano ba kasi tinitignan nila?” tanong ni Arlene. “Ewan ko, baka umaaldub yang dalawa. Imbes na mag usap sinusulat sa tab para di natin marinig. Baka binantaan siya nung dragon” bulong ni Jelly. “Dragon versus Kraken, match lang ata. Ihanda mo na nga tong meryenda at bigyan natin sila para makitsika tayo” sabi ni Arlene.

“Itong photo na ito grade one kami, ayaw pa niya nagpapakuha ng picture. Nahihiya siya pero pinipilit ko siya syempre hanggang sa sanay na siya” sabi ni Jessica. “Pero ikaw grabe ka bata ka palang ang pretty mo na” sabi ni Cristine. “Uy di naman, ang layo ng ganda mo sa akin kaya. Uy ano nilalagay mo sa face mo? Grabe ang kinis kinis” sabi ni Jessica.

“Ay mamaya ipakita ko ano ginagamit ko pang wash. Pero grabe just by looking at the photos nararamdaman ko na ano talaga bigat niyang sakit” sabi ni Cristine. “Grabe talaga, e hilig pa niya maglaro sa araw kaya pinagbawalan ko siya. Pero ayaw talaga pumuti, sensya na bata pa ako noon e” pacute ni Jessica kaya nagtawanan sila.

Humalakhak si Cristine lalo nang makita litrato ni Enan na naka fairy costume. “Hahaha naalala ko yan, umiyak pa siya talaga kasi pinagtripan siya ng lola ko. Halloween kasi yan, pupunta kami sa party at sinama ko siya. Lola ko may topak din minsan pinagsuot siya ng same costume ko” kwento ni Jessica.

“Yung simangot niya wagas, tapos yung wand niya parang gusto niya ipokpok sa kumukuha ng picture e” sabi ni Cristine kaya umariba lalo sa tawanan yung dalawa. Sa kusina inuga ni Jelly ulo niya, “So ano yan palakasan ng tawa? No violence so ganyan nalang yung contest nila?” sabi niya.

“Tara na dalhin na natin to don para makita natin ano pinagtatawanan nila” sabi ni Arlene. Napatigil ang photo viewing nung dalawang dalaga, nagulat si Cristine nang dumikit sa kanya si Jessica. “Eto meryenda o. Cristine who is your very pretty friend?” sabi ni Arlene. “Ay Arlene this is Jessica, the BFF of Enan. Jessica this is my manager Arlene” pakilala ng artista.

Tumayo si Jessica sabay inabot kamay niya, “Hello po” bigkas niya. “So pretty, siya ba yung bagong girlfriend ni Enan?” banat ni Arlene kaya si Jelly nagpanic at nabalot ng takot. Namula si Jessica, natawa sabay inuga ang kanyang ulo. “Kaibigan nga daw, eto eto enjoy the meryenda” sabi ni Jelly sabay kurot kay Arlene.

“Ano ba tinatawanan niyo? Share niyo naman” sabi ni Arlene sabay naupo kaya nasandwich bigla si Jessica sa sofa. “Eto tignan mo younger photos nila. Look at Enan” sabi ni Cristine. Pagtingin ni Arlene naging speechless siya, dumungaw si Jelly kaya pati siya nalungkot.

“Pero malaki na pinagbago niya” sabi ni Arlene. “Yeah, and I missed that kaya honestly naninibago parin ako pag kasama ko siya” sabi ni Jessica. “Come lets eat, di maganda ang bad vibes” sabi ni Cristine. “Ah, may I ask you something” bulong ni Jessica.

“Sure, kain ka o. Game ano yon?” tanong ng artista. “Bakit kayo naghiwalay? What did he do to you?” tanong ni Jessica kaya nanigas sina Cristine, Jelly at Arlene. Napalunok yung artista, ngumiti sabay tinignan si Jessica sa mata.

“Its not his fault, it is my fault. Pinagpalit ko siya sa kontrata. Pero sana bago mo ako pagalitan at awayin e pakinggan mo muna din sana ang kwento ko” sabi ni Cristine. “Okay” sagot ni Jessica sabay kumagat don sa cupcake.

Nagkwento si Cristine ng matagal, nakita nina Jelly at Arlene na biglang hinawakan ni Jessica kamay ng artista at pinaghahaplos ito. “So nag usap kami, hindi ko pa nasasabi sa kanya pero nagets niya agad. I was looking for his help to find a way na we could stay together sana pero he decided right away”

“Unahin ko daw family ko” bulong ni Cristine. “I see, hey wag nalang natin pag usapan. Sorry natanong ko” sabi ni Jessica. “Its okay, I just wanted you to know narin, baka kasi nagtatanim ka pala ng galit sa akin” sabi ni Cristine.

“Uy hindi, alam mo madami din naman ako natutunan kay Andoy. Si Andoy kahit na may tao na gumawa ng masama sa kanya kinakaibigan parin niya. Uy teka di ko sinasabi sa iyo na masama ka ha. Pero gets niyo ba?”

“Example si Shan, I am sure you all know him. Shan was a bully, as in sobrang bully. Ginulpi niya si Andoy many times, si Andoy kasi magaling sumabat yan pag napupuno. They became friends, best of friends pala nalaman ko lately”

“Parang mali ata example ko pero ganon si Enan. Pero pag may tao na umapi sa kaibigan niya, yun ang hindi niya napapatawad. Nung bata kami aminin ko maarte ako kaya madami ako nakakaaway. Inaaway sila ni Andoy tapos he treats them as enemies na talaga”

“Look what happened to Clarisse, niloko pala siya ni Shan. Ngayon mainit na mainit ulo ni Andoy kay Shan” sabi ni Jessica. “Bakit siya ganon?” tanong ni Cristine. “Ewan ko, pinagsabihan ko naman non pero yung issue lang na yan nagmamatigas siya”

“Kaya pag may sinumbong ka sa kanya nung kayo pa trust me up to now mainit ulo niya sa taong yon” sabi ni Jessica. “May sinumbong ka ba?” tanong ni Jelly. “Wala ako maalala, hala meron ba?” tanong ni Cristine.

“So ano ginagawa ni Enan sa kanila? Does he hurt them?” tanong ni Arlene. “Oh no, hindi nanakit si Andoy, he just retaliates using his wit, alam niyo naman siya diba ang lakas manlaglag minsan…kahit mag debate sila o magbawian ng insulto, doon mo lang makikita si Andoy na hindi nasasaktan”

“Funny diba? Kung laitin mo siya diretso he gets hurt, he hides behind me. Pero pag may umaway sa akin ayun, makikipagsabayan yan sa lait hanggang mapikon yung kalaban. Ewan ko lang ngayon kung ganon pa siya” sabi ni Jessica.

“Pero totoo ba na dapat name niya is Richard daw?” tanong ni Jelly. “Oo, as in yun ang gusto sana ipangalan sa kanya nina tito at tita. Pero they named him after the newsman who helped them kaya Fernando” kwento ni Jessica. “Ay so totoo pala talaga, akala namin nagbibiro lang siya” sabi ni Jelly.

“Two names actually dapat daw, Richard Ross, ay nung bata kami akala ko Richard Rose kaya tinukso ko siya minsan, tinawag ko siyang Rose hala nagtampo sa akin yon” kwento ni Jessica kaya laugh trip silang lahat.

“So wait, yung nicknames niyo pala, pano nangyari yon?” tanong ni Cristine. “Lola ko, mahilig magshort cut yon e. Siya naman talaga tumawag kay Andoy na Andoy tapos si Andoy nag iisip ng nickname ko. Narinig niya tawag sa akin ng lola ko na Ikang so ayon. Yun na tawagan namin eversince” sabi ni Jessica.

“Kaya ka pala binansagan na Tiny, mahilig din magshort cut” sabi ni Jelly. “Oo nga” sabi ni Cristine. “May rason naman, kasi bungi siya dati kaya the faster he talks the better para di mapuna ngipin niya” kwento ni Jessica kaya umariba sa tawa yung tatlo.

“Bungi? Really?” tanong ni Cristine. “Oo as in sa harapan, kasi napaaway. Nasuntok at natanggal ipin sa harapan. Buti nalang milk tooth at tumubo pa. Iniyakan niya kaya yon, sabi pa niya dati sana di natanggal yung two front teeth, kahit daw yung mga katabi nalang daw sana para at least mukhang bunny na cute” sabi ni Jessica kaya halos maiyak na sila sa katatawa.

“Kaya ayon shinoshortcut niya mga pangalan. Syempre sa school pag kailangan mo tawagin atensyon ng classmate mo dapat tawagin mo by name. Pag mahaba name ayon shortcut agad” sabi ni Jessica.

“Uy Cristine in one hour na yung scheduled massage mo” sabi ni Jelly. “Oh shoot oo nga no” sabi ng artista. “Ay sige, alis narin ako siguro” sabi ni Jessica. “No! Sama ka nalang, fully body massage yon. Sige na sama ka tapos magkwento ka pa habang nagpapamasahe tayo” sabi ni Cristine.

“Ha, eh..nakakahiya” sabi ni Jessica. “Hindi, sige naman na. Tapos after that mag dinner tayo sa labas. Don’t worry ihahatid ka namin. May curfew ka ba?” tanong ni Cristine. “Wala naman” sabi ni Jessica. “Sama ka ha, Jelly sabihin mo nga for two” sabi ni Cristine.

“Tatlo! Gusto ko din marinig yung kwento” sabi ng bading. “Jelly! Hindi pwede” sabi ng artista. “Ay oo nga, lalake pala ako” sabi ng bading kaya laugh trip ulit sila. “Why don’t you invite Enan for dinner?” tanong ni Arlene.

“Nagrereview daw siya” sabi ni Cristine. “Exams na ba nila?” tanong ni Arlene. “Hindi pa pero ewan ko don. Basta nalang gustong mag review. “I watched his new videos, sino pala yung kasama nilang pretty girl don?” tanong ni Cristine.

“Mags daw, pero nung nakita ko sa f*******: yung naglike is Mary Grace. Shortcut as usual” sabi ni Jessica. “Girlfriend?” tanong ni Cristine. “Hindi ha, pero inamin niya long time crush nila ni Greg yon. Taga performing arts ata” sabi ni Jessica.

“Imbestigador ang peg ng selosa” banat ni Jelly kaya nanlaki ang mga mata ni Cristine. Tinignan ni Jessica si Cristine, “Uy hindi, bruha tong baklang ito. Tila tila ano pinagsasabi. Curious lang ako kasi new face, e halos kilala ko lahat kaibigan ni Enan no” sabi ni Cristine.

“Well ako tinanong ko talaga siya, protective lang ako. I remember one time nung grade school kami may magandang babae na higher year na ah ewan ko. Basta hindi maganda kutob ko, parang inuuto lang niya si Andoy e. Araw araw naman binibigyan ni Andoy ng candy yung babaeng yon”

“Diba? May right naman ako protektahan kaibigan ko” sabi ni Jessica. “Di mo ba naisip baka may something talaga?” tanong ni Jelly. “Kung meron hahayaan ko pero napaka suspicious e, basta. Ganon din naman siguro gagawin mo diba?” tanong ni Jessica.

“Oo naman, kaya ko din natanong lang sino yon” banat ni Cristine kaya pigil tawa sina Arlene at Jelly. “Wait, gusto ko talaga itanong e, iha gusto mo mag artista?” tanong ni Arlene kaya nanlaki ang mga mata ni Jessica.

“Hindi po, oh no wala ako talent sa ganyan” sabi ng dalaga. “Madali lang mag workshop. Kasi you are very pretty, ano ba talents mo?” tanong ni Arlene. “Hindi po, ayaw ko po” sabi ni Jessica. “Give it a try” sabi ni Cristine. “Hindi talaga, siguro nung bata ako isang dream ko yan pero hindi talaga” sabi ni Jessica.

“Nagagandahan kasi ako sa iyo sobra, how about beauty pageants?” tanong ni Arlene at napansin nilang namula mukha ni Jessica at kumislap ang mga mata niya. “Ay girl, yan ang wag mong ideny. Gusto mo no?” landi ni Jelly.

Nilaro laro ni Jessica buhok niya sabay nagtakip ng bibig. “Pwede kasi e, then if you win doorway na yon sa pag aartista” sabi ni Arlene. “Ay grabe ka, mukha ka talagang pera” sabi ni Jelly. “Hindi naman, pero bihira ang ganito no. Star material, ano ba talent mo iha?” tanong ni Arlene. “Ah..well I do sing like Andoy” bulong ni Jessica. “Perfect! Iha, if you are interested call me. Cristine ibigay mo number ko sa kanya. Kung sasali ka pageants tawagan mo ako at ako maghandle sa iyo” sabi ni Arlene.

“Dream ko nung bata ako maging beauty queen pero nagfade yung dream na yon sa totoo” sabi ni Jessica. “Iadjust ko yung screen, lilinaw ulit” banat ni Arlene kaya laugh trip sina Cristine at Jelly. “Wag mo na pilitin pag ayaw” sabi ni Jelly.

“Gusto niya. Basta if you are ready call me” sabi ni Arlene. “Jessica wait lang ha, bihis lang ako then punta na tayo sa spa center” sabi ni Cristine. Pag alis ng dalaga tumabi si Arlene kay Jessica. “Iha trust me, star material ka. Kaya kita ibuild up” sabi niya.

Natawa si Jessica, inuga ang kanyang ulo sabay napangiti. “Pageant, isali mo nalang sa Binibini” sabi ni Jelly. “Gusto mo?” tanong ni Arlene kaya di makasagot si Jessica at pangiti ngiti lang. “Baka katulad niya si Clarisse, diba inalok mo din siya noon?” tanong ni Jelly.

“Oo pero tumanggi siya, magkahawig nga sila e pero mas maganda ito” sabi ni Arlene. “Baka naman sinasabi mo lang yan kasi kaharap mo siya” banat ni Jelly. “Kailan pa ako naging ganon aber? Alam mo naman prangka ako” sabat ni Arlene.

“If pumayag ako sa pageant can you promise na hindi sasabihin kay Andoy?” tanong ni Jessica. “Of course” sabi ni Arlene. “Ay bakit ayaw mo malaman niya?” tanong ni Jelly. “Kasi ayaw ko makadistorbo sa kanya. Dati sumasali ako sa ganyan nung bata ako. Si Andoy lagi ko kasama, todo suporta siya sa akin at todo alaga”

“To be honest marunong siya mag ayos ng buhok at mag apply ng make up” kwento ni Jessica kaya napahalahak si Jelly. “I knew it! Kaya pala close kami” sabi ng bading kaya laugh trip sila.

“Kaya baka pag nalaman niya e he might drop everything and focus on helping me. Ayaw ko mangyari yon, oo gusto ko malaman niya eventually pero sana sa pageant night nalang. Ayaw ko talaga maka distorbo sa kanya” sabi ni Jessica.

“Aba bakit, puno ba yung schedule niya?” landi ni Jelly. “Secret” pacute ni Jessica kaya nanlaki ang mga mata nung dalawa. “Anong meron? Bakit hindi ko alam?” tanong ni Arlene. “Yan nanaman si mukhang pera” biro ni Jelly.

“Basta hindi ko pa masabi, ayaw ko din sabihin baka maudlot e. Surprise nalang if mangyari” sabi ni Jessica. “Wag mo din banggitin kay Cristine, saksakan ng kulit yan. Baka mamaya sa inyo na tumira hanggang umamin ka” sabi ni Jelly.

“O eto na iha, nakausap ko na connection ko, naka ready ka ba next week? May pre pageant na” sabi ni Arlene. “Ha? Next week agad?” tanong ni Jessica. “Yes, will you stand up and let me look at you” sabi ni Arlene kaya tumayo si Jessica at nanginig.

“Ano sa tingin mo Jelly?” tanong ni Arlene. “Pwede, ano tawagan ko na ang troops?” tanong ng bading. “Wala na tayo kailangan ayusin sa kanya, sige tawagan mo na sila at kailangan na niya mahasa sa paglalakad” sabi ni Arlene. “Wait, are you serious?” tanong ni Jessica.

“Sis, pag yan may project go agad. Sabi mo nakasali ka na noon ng pageants pero bata ka pa noon. Girl prepare to enter hell” sabi ni Jelly. Napalunok si Jessica, nalito talaga at kinabahan bigla. “Oh don’t you back out on me, umoo ka na” sabi ni Arlene.

“Ah..eh..am I dreaming?” tanong ni Jessica. “No you are not. Iwanan mo number mo sa akin, give me your schedule sa school mo para maiset ko yung appointments ng maayos” sabi ni Arlene.

“Oh my God, this is really happening” sabi ni Jessica. “Yes and you are going to win” sabi ni Arlene. “Hoy meron pamato yung kabila, yung half half na Inglesera” sabi ni Jelly. “Huh, panis yon. Ano ulit talent mo? Singing? Magpractice kai ha, teka nag gigitara ka ba? Plus yon e” sabi ni Arlene kaya napaupo si Jessica at natulala.

“I need Andoy”