PAGKARATING sa malaking bahay agad inasikaso ni Steven ang mag-ina. Kahit ayaw kumain ni Nathalie pinilit niya itong subuan. Ayaw niyang mag-isip ng mga negatibong bagay tungkol sa nawawalang anak. Palaisipan din kay Steven kung bakit 'yon nagawa ng kanyang tauhan. Hindi naman sila nagkulang sa pag-aalaga sa mga ito at halos pantay-pantay ang turing niya sa lahat ng kanyang trabahador. Pagkain, pera at tirahan ilan lamang sa mga serbisyong ibinibigay nila sa mga ito.
Alas-diyes na gabi ng sulyapan niya orasan na nakasabit sa wall. Kaya pala kumakalam na rin ang kanyang tiyan sa gutom. Dahil sa problema halos pati pagkain nakalimutan rin niya. Tulad ng asawa masyado rin siyang nag-alala sa anak. Iniisip niya, kumain na kaya ito, may maayos kaya itong tulugan at nasisigurado rin niyang umi
