“TALAGANG sobrang sipag ng asawa mo, no? Akalain mo, nakaya niyang palaguin mag-isa ang kompanya? Nako, Yiesha! Parang alam ko na yata kung bakit hindi pa rin maka-move on ‘yang si Niella at naghahabol pa rin sa kaniya hanggang ngayon!” wika ni Greige sabay inom ng wine na nasa baso niya.
Nasa iisang table sila ni Yiesha at kasalukuyang nagmamasid sa direksyon kung saan naroon si Axriel na napapalibutan ng ilang mga negosyante. Kakatapos lamang nila kumain at ngayon ay nagsisiyahan na ang mga tao dahil sa disco music na ipinatugtog. Walang ibang ginawa ang dalawa kundi kumain ng kumain dahil sa impluwensya ni Greige.
“Niella’s family is a wealthy one. Siguro masyado niya lang talagang mahal si Axriel kaya ginawa niya iyon,” tugon ni Yiesha sabay kain ng carbonara na nasa pinggan niya.
