Mag-aalas siyete na ngayon ng gabi at nakakulong lang ako ngayon dito sa loob ng guess room. Pagkatapos kasi naming kumain ng lunch kanina ay umalis din ulit si Toby, kaya naman naiwan nanaman ako rito kasama si Auntie Vilma. Wala naman akong alam gawin dito sa bahay kaya naman nagkulong na lang ako rito sa kwarto. Nakaupo lang ako ngayon dito sa malambot na kama habang nakasandal sa headboard nito, nakahalukipkip ang mga braso kong inaalala ang mga bagay na napag-usapan namin kanina ni Toby.
"Sige, kung 'yan na talaga ang desisyon mo, hindi na kita pipilitin. Humanap na lang siguro tayo ng ibang paraan para malaman natin kung sino ka at kung saan ka nakatira."
"Pero, sa tingin ko...mas mapapadali lang talaga ang lahat kung babalik na ang mga ala-ala mo."
Napakagat na lang ako nang baha
