"Bakit gano'n, wala man lang akong makita." Natuon ang pansin ko kay Toby no'ng marinig ko siyang magsalita. Nakaupo lang siya rito sa tapat ng sofang inuupuan ko ngayon dito sa may sala, nakapatong naman sa ibabaw ng maliit na lamesa sa gitna namin ang laptop niya. Tutok na tutok siya sa laptop habang nangungunot pa ang noo.
"Wala kong makitang account mo sa social media, ni isa, wala," pagkasabi niya no'n ay kaagad siyang nag-angat ng tingin sa akin. Hindi ko na lang napigilan ang mapalunok dahil seryosong seryoso siya sa ginagawa niya. Pagkatapos naming kumain kanina ng dinner ay naisipan niyang maghanap ng account ko sa social media. Lalo na't lahat naman daw ng tao ay mayroon nang account, maski bata ay mayroon na rin, kaya raw mataas ang posibilidad na may gano'n din ako.
No'ng hin
