Napapabuntong-hininga na lamang ako habang iginagala ang paningin ko sa paligid, nakaupo ako rito sa couch ng maliit na living area rito sa loob ng kwarto ko habang pinagmamasdan ang bawat detalye ng mga bagay na nandito. Umaasa ako na mayroon akong kahit na kaunting bagay o detalye man lang na maalala tungkol sa naging pagtira ko rito. Hindi ko na napigil pa ang sariling matulala no'ng sandaling maalala ko ulit ang mga sinabi sa akin ni Aling Susan kanina tungkol sa naging dahilan ng lahat. Hanggang ngayon ay parang naririnig ko pa rin ang boses nito sa isipan ko...
"Birthday noon ng daddy mo, no'ng umuwi kayo rito ng mommy mo galing sa ibang bansa. Sobrang saya pa noon ng birthday celebration ni Don Alejandro, lahat ng inaasahan niyang mga bisita ay dumalo, isama na ang hindi niya inasa
