Pakiramdam ko ay wala nang sapat na lakas ang buong katawan ko ngayon habang pababa ako rito sa bus na sinakyan ko. Ako na ang panghuling pasahero na bababa rito dahil nakababa na nang tuluyan ang iba pang mga pasahero na na-rescue na ng mga pulis. Pagkatapak ko pa lamang sa sahig na semento ay kaagad na rin akong nabalik sa wisyo, no'ng bigla nalang lumapit sa akin ang isang pulis.
"Kai? Ayos ka lang ba ha?!" Namimilog ang mga mata nito no'ng magtama ang mga paningin naming dalawa. Napansin ko rin ang paglunok nito na para bang may kung ano pa siyang gustong sabihin sa akin at nag-aalinlangan lang siya.
"Ayos lang ako, Toby," tanging sagot ko sa kanya, pero pagkatapos no'n ay hindi na nito nagawa pang magsalita at nanatili nalang itong nakatulala sa akin. Ilang segundo na itong nanatil
