Pagkatapos naming kumain ng agahan ay nagpaalam na rin sa amin si Auntie Sylvia para magpunta sa coffee shop. Mabuti nalang at pinayagan din ako nito kaagad na mag-leave ngayong araw sa trabaho no'ng nalaman niya ang rason ko para rito.
Nang tignan ko ang oras sa suot kong wrist watch ay mag-a-alas diyes na ngayon ng umaga, hindi ko nalang naiwasan ang mapabuntong-hininga dahil kanina pa ako rito sa sala habang naghihintay kay Uncle Marco. Ilang sandali pa at nabaling naman ang atensyon ko sa may pintuan no'ng makita kong bumukas ang pinto nito.
Kaagad namang bumungad mula roon si Toby, mukha namang nakita rin ako nito kaagad kaya bahagya itong ngumiti sa akin. Lalapitan na sana ako nito, no'ng sandali pa itong matigilan dahil sa pagbaba ni Uncle Marco mula sa hagdan. Napansin kong napak
