Hindi ko na magawa pang alisin ang pagkakapako ng paningin ko sa labas nitong malapad na window glass dahil sa napakagandang view ng city lights at mga nagtataasang building.
Halos sampung minuto na rin ang lumilipas simula no'ng makarating kami rito sa fine dining restaurant na napili ni Toby.
"Ang ganda 'no," narinig kong sambit sa akin ni Toby, na siyang kaagad ko namang ikinatango.
"Yeah...hindi ko alam na may ganito palang fine dining restaurant dito sa lugar natin." Marahan na akong sumulyap sa kaniya, dahilan upang kaagad namang magtama ang mga mata naming dalawa.
"Bakit?" naibulalas kong tanong, no'ng mapansin ko na hindi ito natitinag sa pagkakatitig nito sa akin.
Ilang sandali pa ay unti-unti ko na ring nasilayan ang paglapad ng mga ngiti nito, "Ang ganda mo kasi eh, mas m
