Pasado alas-nuwebe na ngayon ng gabi at mahigit isang oras ko nang binabagtas ang isang daan na hindi ko naman alam kung saan patungo. Halos maningkit na rin ang mga mata ko sa pag-iisip kung hanggang saan nga ba ako makakarating sa pagmamaneho, habang patuloy kong pinagmamasdan ang likod ng kotse na siyang kasalukuyan kong sinusundan ngayon.
Hindi nagtagal ay bahagya nang nagsalubong ang mga kilay ko no'ng mapansin ko na para bang nagiging pamilyar na sa akin ang mga landmark na nadadaanan ko ngayon.
"Where are you taking me, Lucas?" tanging bulalas ko sa hangin, habang patuloy kong binabagtas ang pamilyar na daan. Sinigurado ko na malayo ang distansya ko sa kotse niya upang hindi ito makatunog sa ginagawa kong pagsunod sa kaniya.
Kinailangan ko itong gawin sa pagka't gusto kong malam
