"Ravyn Verseles, kung gano'n ay iyon pala ang tunay mong pangalan," narinig kong sabi ni Auntie Sylvia, no'ng sandaling malaman na nito ang lahat ng tungkol sa akin. Sinabi ni Toby ang lahat sa kanya, no'ng oras na dumating silang dalawa rito ni Uncle Marco. Nagtataka kasi silang dalawa kung bakit mayroon pang isang kotse ang nakaparada sa garahe nitong bahay, gayong dalawa lang naman ang kotseng pagmamay-ari nila rito.
Noong una ay hindi nila magawang umimik dahil para bang hindi nila mapaniwalaan na gano'n ang mga nangyari sa akin at sa pamilya ko. Hindi na napigilan ni Auntie Sylvia ang magpakita ng nararamdamang awa sa akin dahil sa sinapit ng mga magulang ko. Gano'n din ang nakatatanda nitong kapatid at si Auntie Vilma, na ngayon ay alam na rin ang buong katotohanan tungkol sa pagka
