Nakita kong dadamputin na no'ng lalaking nasipa ko kanina ang baril niyang tumilapon sa sahig, kaya naman kaagad na akong kumilos para damputin ang isang babasaging vase sa ibabaw nitong counter desk at mabilis na ibato ito sa likod ng ulo no'ng lalaki.
"Tsk! Bull's eye!" sa sinabi kong 'yun ay lalo pang nagngitngit sa galit ang dalawa pang lalaking kasama nito, na ngayon ay nakikitang bagsak na sa sahig ang lalaking parang tumatayong leader ng mga ito.
"Papatayin kita!!!" Kaagad silang sumugod sa akin nang sabay kaya naman kaagad akong umilag sa mga tubong ihahampas nila sa akin. No'ng hindi nila ako natamaan ay umulit uli sila kaya naman mabilis na akong umikot para bigyan sila ng magkabilang sipa sa mukha at dibdib. Napaatras sila sa akin hanggang sa mapaupo na lang ang mga ito sa sah
