ANG HULA NI PONZA
***
Nanghihina akong napaupo sa may damuhan sa lilim ng isang malaking puno dahil sa pagod ko sa paglalakad.
Kanina pa kasi ako naghahanap ng makakain, mabuti na lamang at nakakita ako ng isang puno ng saging na may mga hinog na bunga kaya kinuha ko na ang mga ito.
Sumandal ako sa puno at inumpisahan ko ng balatan at kainin ang mga saging na nakuha ko kani-kanina lang. Kahit papaano ay naiibsan naman nito ang gutom na nararamdaman ko, ngunit alam kong hindi rin magtatagal ay magugutom ulit ako kaya kailangan ko nanamang maghanap ng makakain ko.
Habang kumakain ay nagpapalinga-linga naman ako sa paligid pero halos puro mga puno at halaman lang din ang nakikita ko.
"Saan kaya ako makakakuha ng makakain?" Tanong ko sa isip ko. Natigilan ako nung makarinig ako ng ilang
