“LET’S go out with Miss Cheryl again, Enzo,” masiglang sabi ni Enid sa kaibigan nang umagang iyon. Kararating lamang niya at ito kaagad ang kanyang nilapitan upang sabihin iyon.
Masayang-masaya si Enid. Ang ganda-ganda ng kanyang gising. Napanaginipan niya kasi na kasama niya ang kanyang ina sa may hardin na maraming bulaklak. Nakahiga siya sa kandungan nito at kinukuwentuhan siya habang hinahaplos ang buhok niya. Imahe ni Miss Cheryl ang dala-dala niya sa panaginip ngunit pakiramdam niya ay kasama niya ang kanyang ina. Minsan ay napapanaginipan niya ang kanyang ina ngunit hindi malinaw ang imahe nito; laging malabo at malayo sa kanya.
Nang makilala niya si Miss Cheryl na kamukha ng kanyang ina ay naging malinaw na malinaw na ang imahe, malapit na siya rito, at pakiramdam niya ay parang
