MASUYONG niyakap ni Cheryl si Ephraim pagsalubong niya sa ama sa airport. Kaagad itong gumanti ng mahigpit ng yakap. Bago niya yakapin ay nakita niya ang hindi masukat na takot sa mga mata nito kanina. He looked like he’d been under a lot of stress lately.
Hindi naman siya galit sa ama. Lumipas na rin ang sama ng kanyang loob. Nangyari na ang mga nangyari. Hindi na nila maibabalik pa ang nakaraan. Wala na ang kapatid niya.
Kahit na paano naman ay naintindihan niya kung bakit ginawa ni Ephraim ang nagawa nito. Hindi niya maaaring husgahan nang husto ang ama. Hindi siya maaaring magalit nang husto dahil kahit na pagbali-baliktarin ang mundo, ama niya ito at naging mabuti ito sa kanya. Nagampanan nito nang mahusay ang mga tungkulin nito bilang ama.
Hindi pa naman siguro huli upang maayos
