“Alex, you know what happened to your daughters earlier? Sigurado akong matatawa ka sa kakulitan ng dalawa.” Masayang nagkuwento si Samantha ng mga nangyari sa kambal niyang anak ngunit habang patuloy sa pagsasalitanang kanyang misis ay wala naman siyang kibo. Ni hindi nga nito ginagalaw ang pagkaing nakahanda sa mesa. Nakatulala lang ito at halata sa mukha ang pagkabalisa. Hindi pa rin kasi maalis sa isipan niya ang mga napanaginipan niya kagabi. Pagkatapos ng napakahabang panahon ay magpapakita sa kanya ang multo ng nakaraan at ngayon ay pinagbibintangan siya ng kakambal na siya ang pumatay rito. Napakalaking katanungan iyon para sa kanya. Matagal nang patay si Aldrin at ibinaon na rin niya sa limot ang mga nangyari. Ngunit ang bintang ng kanyang kapatid ay tila isang malaking palaisipan
