"Akala mo ba basta ko na lang kakalimutan mo sa akin?" May pagbabanta sa mga mata ni John. Nakangisi itong may talim sa mga mata. Nabakas sa mukha niya ang paghihiganti.
"Anong gusto mong mangyari ngayon? Hindi ka pa ba nadala sa mga ginawa ko sa iyo?" sarkastikong wika ni Jacob. Padaskul nitong ibinagsak ang bag sa daan kung saan sila naroroon. Isa-isa rin nitong tinanggal ang butones sa kanyang polo at hinagis kung saan. Pinilipit niya ang leeg na parang naghahamon. Kinuyom ang kamao — handa na siyang sumugod. Kampante siyang magagawa niyang pabagsakin ang iba pa niyang kalaban bukod sa tatlong magkakaibigan. Nagtawag pa talaga ng mga alipores ang gag*! Pero dahil nga black belter ang binatilyo ay tiwala ito sa sariling kakayanin niya. Pero ang nasa tabi
