03/21/16
Dear Diary,
Gusto kong lumayo at takbuhan ang mga taong nais akong kuhanin. Ngunit hindi ko magawang matakasan ang lahat sapagkat maging ang sarili ko ay kalaban ko na rin. Ang magkasintahan — isa sa kanila ay hindi isang simpleng nilalang. Isa sa kanila ay maligno. O kung hindi ako nagkakamali ay demonyo na nagkatawang tao. Ngunit paano?
Matthew
Muling nabuksan ang pahina. Panibagong sikreto na naman ang sisiwalat sa lahat. Panibagong kahindik-hindik na sumpa na naman ang magaganap. Hindi ito matatakasan ng sinumang nilalang. Sa pagitan ng mundo ng mga mortal at imortal ay nagbukas ang isang lagusan. Nobyembre na naman. Sa pakiwari ng lahat ay ito ang buwan kung saan lumalabas ang masasamang elemento ng mundo. Mga ligaw na kaluluwa, laman
