Napasapo sa ulo si Jacob, nagising na lang siya na nasa sariling kuwarto. Wala siyang kaalam-alam sa mga nangyari. Nadatnan na lamang niya ang sarili na nakahiga sa sariling kama. Isa na naman ba itong panaginip? Sa tingin niya ay hindi. Dahil totoo ang takot na naramdaman niya sa mga nasaksihan niya kanina. Tumingin siya sa digital clock na nasa side table sa ta tabi ng kama niya. Alas siyete na pala ng gabi. Ni wala siyang ideya kung paano siya nauwi. Ang alam lang niya ay nawalan siya ng malay sa taxi na sinakyan niya. At ang driver na nagmamaneho nito, sigurado siyang hindi makakaligtas iyon. Eksakto namang dating ng kanyang nanay na si Wilma sa kuwarto nang bumangon siya mula sa pagkakahiga.
"Gising ka na pala, tara na sa baba. Nakahanda na ang hapunan,"
