“Saan mo ba ako dadalhin, Mr. Lockhart? Hapon na, oh. Baka gabihin tayo sa dalampasigan,” reklamo ni Ariadne habang hila-hila siya ni Damon patungo sa kung saan. Ilang araw nang dine-delay ni Damon ang kanilang pag-uwi sa X dahil gusto pa raw nitong manatili sa Maldives. Hindi niya naman ito kinontra ngunit puno ng pagtataka ang isipan ng dalaga. Alam niya naman na mahal na mahal nito ang trabaho nito at imposible na tamarin ito ngayon na lumalago ang kompanya.
Ngumiti lang ito at inakbayan siya. “Sush, just go along, okay? I prepared so hard for this surprise. Chill, okay?”
She sighed before wrapping her arms around his waist. Tahimik nilang binaybay ang dalampasigan. Kulay ginto na ang paligid dahil na rin sa papalubog na araw sa may hindi kalayuan. Mangilan-ngilan na lamang ang turis
