Tirik na tirik ang araw. Ang init sa Palawan ay hindi na nakakatuwa; nakakasunog na ito ng balat. Pero mas nakakasunog ang galit na nararamdaman ko habang naglalakad kami sa gitna ng construction site ng Phase 2 ng Salvador Sanctuary Resort.
Ang lugar ay maingay, magulo, at maalikabok. Ang tunog ng jackhammers, ang sigawan ng mga trabahador, at ang ugong ng mixer truck ay naghahalo-halo.
Naka-suot ako ng puting hard hat, safety vest sa ibabaw ng silk blouse ko, at boots. Sa tabi ko, si Devon ay mukhang campaign poster. Sa likod namin, nakasunod si Lucien, hawak ang makapal na blueprints at clipboard, tahimik na nagmamasid.
"This, Lau, will be the Grand Pavilion," pagmamalaki ni Devon, tinuturo ang mga nakatayong haligi na wala pa ring bubong. "Dito gaganapin ang mga kasal, events, parti
