Tatlong araw na ang nakalipas mula nang mangyari ang insidente sa pool. Tatlong araw na mula nang makita ko si Devon na basang-basa at kaawa-awa. Akala ko, 'yon na ang rurok ng tagumpay ko. Akala ko, sapat na 'yung nakita ko siyang lumuhod sa sarili niyang kahinaan.
Pero nagkamali ako. Ang laban na 'to ay hindi lang tungkol sa ego ng isang lalaki.
"We're in," sabi ng isa sa mga tech guys ni Lucien. Si Kenny. Nakaupo siya sa harap ng tatlong monitor, mabilis na tumitipa sa keyboard.
Nakatayo ako sa likod niya, nakahalukipkip. Suot ko pa rin ang business suit ko galing sa meeting, pero tinanggal ko na ang heels ko. Ramdam ko ang lamig ng carpet sa mga paa ko.
"Anong nakuha niyo?" tanong ni Lucien, lumalapit habang may hawak na folder.
"Noong nasa Palawan kayo, naging distracted si Devon
