Chapter 34
SA huling pagkakataon ay inilibot ni Ayesha ang paningin sa kabuuan ng cottage na iyon ni Joe, saka lumabas na kasunod ni Maria. Dumaan muna sila sa mansiyon para magpaalam kay Donya Senyang. Nagsinungaling siya rito nang sabihin niyang alam ni Joe ang kaniyang pag-alis.
“Sigurado ka ba, hija? Bakit hindi mo pa hintayin ang pagdating ni Joe para siya mismo ang makapaghatid sa inyo sa airport?” tanong pa nito sa kaniya, hindi kumbinsido sa kaniyang biglaang pag-alis.
“Opo, Lola Senyang. Napag-usapan na po namin ni Joe ang tungkol dito kagabi. Mamaya na pong hapon ang oras ng flight namin pabalik sa Maynila, baka ma-late na po kami.” Sagot niya sa matanda.
“Naku, kayo talagang mga bata kayo. Hala sige, mag-iingat kayo, hija. Sana ay magkaayos pa kayo ng apo ko,” sabi nito haba
