Kanina pa paulit-ulit ng tingin si Sergio sa kanyang phone tinitingnan niya kung may message man lang si Samaya o kaya ay may reply man lang sa mga chat niya pero wala talaga, ni hindi nito tinitingnan ang kanyang mga message.
Ilang ulit na rin niya itong tinawagan sa phone nito pero hindi sinasagot kaya naman kanina pa talaga siya naiinis at nag-iisip lang kung ano-ano. Sobra na siyang nag-overthink kagabi, kasi nakita niya kung gaano kasaya ang kanyang asawa habang nagsasamgyup ang dalawa sa labas ng garden.
Ang totoo halos hindi rin siya nakatulog dahil babalik-balik siya at tinitingnan ang dalawa kung ano ang ginagawa, nangako kasi siya kay Samaya na hahayaan at tatanggapin ang kababata nito sa kanilang bahay. At magtitiwala dito pero sa kaibuturan ng kanyang puso ay nandon ang pa
