Kate Evangelista
Matapos kong maihatid si Jaycee hanggang sa sakayan, bumalik na kaagad ako sa bahay at naabutan ko sila Mark at Jude na naglalaro pa rin. Hinayaan ko na muna sila at nilinis na muna ang pinagkainan namin. Mag-a-ala sais na rin ng gabi kaya minabuti ko na ring maghanda para sa hapunan namin. Matapos kong mag-saing, naghiwa na rin ako ng karne at mga gulay para sa sinigang na lulutuin ko. Mukhang abala talaga sila sa paglalaro kaya hindi ko na rin sila inistorbo pa.
Matapos kong makapagluto, mukhang nakatunog sila na tatawagin ko na sila para kumain kaya kaagad silang lumapit sa kusina.
"Magaling din talaga kayong tumiming, ano? Naligpit niyo ba yong mga kalat niyo sa sala? Nakapatay na ba 'yong TV at 'yong player?" tanong ko sa kanila.
"Nalinis na po namin lahat, boss.
