Topher
One month later..
MAGMULA NANG malaman ko ang sakit ni Sabrina ay ipinangako ko sa aking sarili na mas dodoblehin ko ang pagmamahal at pang-unawa na ibinibigay ko sa kanya. Hindi ko lang maintindihan kung paano niya 'yon nagawang ilihim sa akin, gayong palagi ko siyang pinaaalalahanan na ingatan ang mga mata, dahil ito ang pinakamaselan sa lahat. Ito ang pinakabintana ng ating buhay.
Naramdaman naman namin ang financial support mula sa family namin both sides sa kinakaharap naming problema ngayon. At ang mommy pa ni Sab ang nagpresinta na kumuha kami ng personal yaya, para may mag-aalaga kay Baby Toph at may katuwang na rin si Sab sa pag-aalaga. May posibilidad kasi na hindi pa magampanan ng maayos ni Sab ang pagiging ina kapag na-operahan na siya. Sabay naming haharapin ang pan
