Kinain ko ang cookies sa gitna ng biyahe namin ni Brian. Hindi na ako nakatiis tikman iyon hanggang sa kinain ko na isa-isa. Inaalok ko si Brian pero tinatanggihan niya ako. Mukhang takot mawala ang abs niya kaya hindi na tumikim kahit isang piraso lang ng cookies.
“Isa lang.” Pagpupumilit ko. Inaasar ko lang talaga siya. Kumukunot kasi ng todo ang noo niya sa tuwing inaalok ko. Tulad ngayon, mukhang asar na asar na siya dahil pang limang alok at pilit ko na ata ito sa kaniya.
“No. I’m full, Kat. Katatapos lang natin magmeryenda kanina.”
“Isang kagat, oh,”
Nilapit ko na sa bibig niya ‘yung hawak kong cookies. Dalawa agad siguradong kasya naman iyon sa bibig niya. Natawa ako sa naisip. Hindi naman kalakihan ang bibig niya pero sigurado akong kasya ang dalawang piraso ng cookies doon.
S
