Sa sasakyan ako ni Brian pinaghintay. Kita ko sa salamin kung gaano kaseryoso ang pag-uusap nilang dalawa ni Kuya Darwin. Gustuhin ko man malaman kung ano ang pinag-uusapan nilang dalawa, hindi ko sila marinig at ayaw ko namang maki-usyoso pa sa kanilang dalawa.
"He loves you." Iyon ang unang sinabi ni Brian noong pumasok siya sa sasakyan. Pinagana na niya ang sasakyan at nagsimulang magmaneho.
"Kasi ang turing na nila sa akin ay si Jasmine. Minahal nila ako bilang isang tunay na pamilya. Masuwerte akong sa kanila ako napunta,"
"No. He loves you the other way 'round. Hindi ka niya mahal dahil lang sa turing niya sa 'yo ay si Jasmine o isa sa pamilya niya."
Hindi agad ako nakapagsalita sa tinuran niya. Bumalik sa isip ko 'yung nangyari noong nagpaulan kaming dalawa ni Kuya Darwin. Totoo
