Pagpasok ko sa office ni Brian, ang una kong napansin ay ang amoy talaga. Kapit hanggang dito sa opisina ang cologne niya. Pinanliligo niya talaga siguro ang pabango kaya kahit hanggang dito sa office niya dikit ang amoy niya. Wala man lang akong naamoy na kahit anong spray na pampabango ng office. Yung amoy niya talaga ang matapang. Pasalamat siya mabango 'yon, hindi masakit sa ilong kahit na matapang. Iba talaga pabango ng mayayaman.
Gray, black and white ang kulay na makikita sa loob. Napakaplain lang ng office niya. Table na agad ang makikita mo doon sa may harap. Tapos may upuan din na kulay white. Malaki naman ang opisina niya, napakaluwag dahil walang kalaman-laman.
"Tatayo ka na lang ba diyan?" tanong niya sa akin.
Bakit ba bigla na lang ito nagsungit sa akin? Hindi naman siya g
