Hindi na ako pinahiram pa ng pera ni Brian para sa pamasahe ko pauwi, ipinahatid niya na lang ako sa driver niya. Iba talaga kapag mayaman. May pa-driver.
Pagkarating sa bahay ay agad akong nagpasalamat kay Manong Driver. Inabot ko pa nga sa kaniya 'yung natitirang barya sa bulsa ko para iyon ang ipambayad sa kaniya pero hindi niya tinanggap.
Palibhasa ata barya kaya ayaw tanggapin ni Manong Driver. Hay naku. Yan ha? Napaghahalataan. Gusto ata ng buo ha, e wala ubos na ang buong pera ko kaya hindi ko na siya pinilit kunin ang barya ko, lumabas na ako ng kotse saka pumasok na ako sa loob ng bahay.
Lahat ng sinabi sa akin ni Brian nakasulat sa sticky notes, mamaya ko na lang babasahin o baka bukas na para mabilis kong matandaan ang napag-usapan namin kanina.
Naabutan ko sina Tatay at K
