Maingay sa Van habang papuntang Prestige Bar sa Maynila. Puro lalaki ba naman ang kasama ko. Ang miyembro ng The Quest ay binubuo ng anim na lalaki. Tatlong guitarist, bass, electric at acoustic guitar. Isang drummer. at isang pianist. Tapos si Kuya na Lead Vocalist ng banda. Tahimik lang ako sa tabi ni Kuya at nakikitawa na lang sa tuwing may nakakatuwang mga jokes na banat itong mga kaibigan ni Kuya.
Hindi ko na tinandaan pa ang mga pangalan nila sa dami nila siguradong mawawala lang din sa isip ko iyon lalo pa't hindi ko nadala ang sticky notes ko para isulat doon ang kanilang impormasyon. Kahit tatlong taon ko nang alam ang The Quest, legit na si Kuya Darwin lang ang kilala ko.
Narinig ko na silang tumugtog noon at talagang nagalingan ako. Matagal na iyon siguro ilang taon na rin. Pe
