Chapter 76: Proctor In Charge
TUMALBOG ang puso ni Gabriel sa sobrang gulat. Mabilis niyang tiningnan kung sino ang hinayupak na iyon! Napasinghap siya nang si Tyler iyon.
"Saan ka ba pupunta? Para kang tiktik na may sinusundan," giit ng lalaki sa kanya. Mukhang kararating lang nito sa campus.
"Badtrip ka naman," usal niya. "Sinusundan ko si Professor Marcus kung saan ito pupunta." Muli niyang tiningnan ang professor. Napabuntong hininga si Gabriel nang wala na ito. Mabilis na nawala si Professor Marcus. Sigurado siyang mas naging mabilis ang paglakad nito.
"Teka," inilagay nito ang dalawang kamay sa magkabilang beywang. "Bakit mo sinusundan si Professor Marcus? Baka mapahamak ka pa sa ginagawa mong yan Gab." Mababakas sa mukha ni Tyler ang pag-aalala nito.
"Siniguro ko naman na hindi
